Macarıstanlı Avropa komissarı mikrofonun açıq olduğunu unudaraq Avropa Parlamentinin deputatlarını idiot adlandırıb…
Poliqon.info xəbər verir ki, bu barədə Politico nəşrinin məlumatında bildirilir.
Qonşuluq və genişlənmə məsələləri üzrə Avropa komissarı Oliver Varhelyi mikrafonun açıq olduğunu unudaraq Avropa Parlamentinin deputatları barədə “Daha nə qədər idiot qalıb?”, deyərək zaldakıları qəzəbləndirib.
Komissarın bu sözlərindən sonra Avropa Parlamenti üzvləri Komissarın istefasını, həmçinin Avropa Komissiyasının rəhbəri Ursula fon der Leyenin reaksiyasını tələb ediblər.
Politico qeyd edir ki, Varhelyi öz işçiləri ilə münasibətdə kobud rəhbər kimi rbir imicə sahibdir. Bundan əlavə, o, Bosniya və Herseqovinada serb millətçilərini dəstəkləməkdə ittiham olub.
Baş verən qalmaqaldan sonra Avropa komissarı deputatlardan üzr istəyib.
“Mənim sözlərimlə bağlı yaşanan anlaşılmazlığa görə səmimi qəlbdən təəssüflənirəm, deyə Varhelyi təssüfünü dilə gətirib.
Politico yazır ki, macar rəsminin üzr istəməsi Avropa Parlamentinin üzvlərini qane etməyib və onlar hələ də onun istefasını tələb etmək niyyətindədirlər.
Poliqon.info