Günün brifinqi – Demokratik rəzalət…

İsveçin Baş naziri Ulf Kristersson Stokholmda Türkiyə səfirliyi yaxınlığında “Quran”ın yandırılmasını qınayib və buna görə müsəlmanlardan üzr istəyib. Bundan əvvəl isə Ulf Kristerssonun rəhbərlik etdiyi İsveç hakimiyyət qurumları ultra-sağçı danimarkalı siyasətçi Rasmus Paludanın təxribatına, yəni Türkiyə səfirliyi qarşısında “Quran”ın yandırılmasına icazə verib.

Bəs bu şəraitdə Ulf Kristerssonun üzrü nəyi ifadə edir? Bu üzr bütün qırmızı çizgiləri aşan ifrat riyakarlıq, ya da sadəcə demokratiya süsü verilən irqçi “pislik” deyilmi?

Əslində hər ikisidir və bu uzaqdan da, yaxından da belə görünür…

İndi düşünə bilirsinizmi ki, İsveçin demokratik höküməti bir radikal islamçıya Stokolmun meydanlarından birində “İncil”i yandırmağa (halbuki islama görə “İncil” də “səma kitabı”dır və heç bir müsəlman o kitabı yandırmaz) icazə verir? Bunu mümkün hesab edirsinizmi?

Mən hesab etmirəm və düşünürəm ki, İsveç höküməti və Qərbin digər demokratik hökümətləri həmin radikal islamçını ən yaxşı halda terrorçu elan edər…

pia.az