Kremlin mətbuat katibi Dmitri Peskov Rusiya prezidentinin yanvarın 18-də yeni səfərbərlik elan edəcəyi ilə bağlı söyləntiləri təkzib edib...
Rusiya prezidentinin mətbuat katibi Dmitri Peskov bildirib ki, Vladimir Putin yanvarın 18-də yeni səfərbərlik dalğasının başlandığını elan etməyəcək.
PİA.az xəbər verir ki, Peskov bunu “Осторожно Media” Telegram kanalının jurnalistinə bildirib. Kanalın jurnalistləri ilə söhbətində Kremlin spikeri qeyd edib ki, Rusiya lideri yaxın zamanda Ukraynada xüsusi əməliyyat rejiminin dəyişdirilməsi barədə də açıqlama verməyəcək.
Qeyd edək ki, Rusiya mətbuatında yayılan məlumatlara görə, Putinin Leninqrad blokadasının yarılmasının 80 illiyinə həsr olunmuş tədbirlər zamanı yeni səfərbərlik dalğası elan edəcək.
“Bunlar hamısı şayiədir. Onlara qulaq asmayın”, deyə Peskov bildirib.
pia.az