Rusiyanın rəsmi məlumatlarına görə, bu ölkədə 4,7 milyondan çox ukraynalı var. Onlardan nə qədərinin Rusiya könüllü və ya zorla köçdüyü məlum deyil…
PİA.az xəbər verir ki, bu barədə RBC-Ukrayna “Ukrayna-Ukrinform” media mərkəzində keçirilən brifinqdə ZMINA İnsan Hüquqları Mərkəzinin vəkillik üzrə direktoru Alena Lunevanın şərhinə istinadən məlumat verib.
Lunevanın qeyd edib ki, kütləvi deportasiya 2022-ci ilin martında başlayıb. Bu, davam edən silahlı münaqişədə nisbətən yeni bir hadisədir. Həmçinin Ukraynanın müvəqqəti işğal olunmuş ərazilərindən nə qədər insanın zorla Rusiyaya aparıldığı dəqiq məlum deyil.
“Rusiyanın ərazisində nə qədər Ukraynalının olduğunu hələ də dəqiq bilmirik. Rusiya mənbələrinin məlumatına görə, bu gün 4,7 milyondan çox ukraynalı Rusiya ərazisindədir. Onların ora könüllü olaraq getdiklərini söyləmək çətindir. BMT Ali Komissarlığın Aparatı Rusiyada təxminən 2,8 milyon nəfər ukraynalının olduğunu deyir.Onlardan nə qədərinin Rusiya ərazisində qaldığını, nə qədərinin isə Rusiyanı tərk etdiyini bilmirik”, deyə ZMINA Mərkəzinin nümayəndəsi deyib.
Alena Luneva qeyd edib ki, Rusiya Ukrayna vətəndaşları üçün müvəqqəti yerləşdirmə mərkəzləri ilə təchiz edib, keçən ilin dekabr ayına olan məlumata görə, onların 820-si Rusiya ərazisində və Ukraynanın müvəqqəti işğal olunmuş rayonlarında fəaliyyət göstərir.
“Lakin bu məntəqələrdə 40 min insan var. 4,7 milyon insanla 40 min nəfər arasında çox böyük fərq var beş milyona yaxın insanın evlə, yaşam ehtiyacları təmin olunması heç də asan deyil. Buna görə də, nə qədər insanımızın Rusiyada olduğunu təsəvvür edə bilmirik”, deyə Luneva qeyd edbi.
Qeyd edək ki, verilən məlumatlara görə ruslar ukraynalıların işğal olunmuş ərazilərdən Rusiyaya deportasiyasını sürətləndirirlər.
Xatırladaq ki, daha əvvəl Müdafiə Nazirliyi bildirir ki, düşmən mülki şəxslərə yeni təzyiq üsullarına əl atır, xüsusən də Rusiya pasportlarını zorla verir və onları Rusiyanın dərinliklərinə “evakuasiya” edirlər.
pia.az