Bir çox ölkələr şirkətin istifadəçilərdən şəxsi məlumatları topladığını iddia edir və bu imkanları məhdudlaşdırmaq üçün addımlar atır...
Fransanın İnformasiya Texnologiyaları və Vətəndaş Azadlıqları üzrə Milli Komissiyası (CNIL) yanvarın 12-də TikTok sosial şəbəkəsini qısa videolarının paylaşılmasına görə 5 milyon avro məbləğində cərimə kəsib.
PİA.az xəbər verir ki, bu barədə France-Presse Agentliyi məlumat yayıb.
Məlumatda bildirilir ki, TikTok sosial şəbəkəsi istifadəçiləri müəyyən etməyə imkan verən kukilərdən istifadədən imtina etmək imkanını təmin etmir. Bu isə Fransa qanunlarına ziddir.
TikTok isə öz növbəsində hesab edir ki, sosial platformada hər şey Fransa qanunlarına uyğundur və istifadəçilər üçün belə bir fürsət yaradır. Lakin CNIL istifadəçini “Bütün kukiləri qəbul et” düyməsini sıxmağa təşviq etmək üçün prosedurun qəsdən mürəkkəb olduğunu iddia edir.
Xatırladaq ki, TikTok Çinin ByteDance şirkəti tərəfindən hazırlanıb və dünyanın ən populyar sosial şəbəkəsinə çevrilib. Bir çox ölkələr şirkətin istifadəçilərdən şəxsi məlumatları topladığını iddia edir və bu imkanları məhdudlaşdırmaq üçün addımlar atır. Qərb ölkələri öz hərəkətlərini bu məlumatların Çin hakimiyyətinin əlinə keçə biləcəyi ilə izah edirlər.
pia.az