Taliban təhdidindən sonra şahzadə Harri mühafizəçilərlə gəzir

Şahzadə Harrinin “Ehtiyatda olan” memuarında və çoxsaylı müsahibələrində pul qazanmaq və ailəsini ləkələmək istəyi ona gətirib çıxarıb ki, indi onu hər yerdə bütöv bir silahlı cangüdənlər dəstəsi müşayiət edir.

PİA.az xəbər verir ki, bu barədə Daily Mail yazıb.

Nəşr qeyd edib ki, Nyu-Yorkdakı “The Late Show” studiyasına gedərkən şahzadənin yanında “Glock” tapançası daşıyan mühafizəçi görünüb. Qeyd edilir ki, Harri “The Late Show” studiyasına bir gün sonra yayımlanacaq müsahibəsinə baxmaq üçün gedib.

Qeyd edək ki, 38 yaşlı Britayniya taxtının şahzadəsi “Ehtiyatda olan” adlı xatirə kitabı rəsmən rəflərə çıxdıqdan sonra bütün dünyanın diqqət mərkəzindədir. Dünyanın bütün tabloidləri artıq bir neçə gündür ki, şahzadənin açıqlamalarını müzakirə edirlər.

Şahzadə analığı kraliça və qardaşı da daxil olmaqla bütün ailəsini tənqid edib, həmçinin hərbi xidmət zamanı 25 Taliban üzvünün öldürülməsi barədə yazaraq, hazırda Əfqanıstanda hakimiyyətdə olan Talibanı da qəzəbləndirib. Təhlükəzsizlik qüvvləri bildiriblər ki, şahzadə Talibanla bağlı danışmaqla özünü təhlükəyə atıb.

Harri ABŞ-a köçdükdən sonra təhlükəsizliyindən daha çox narahat olsa da, tez-tez özünü müdafiəsiz hiss etdiyini deyirdi. Amma o, uzun müddət idi ki, silahlarının olduğunu açıq şəkildə nümayiş etdirən cangüdənlə ortaya çıxmamışdı. Harri və Meqanın gündə 8,800 dollara qədər ödəniş alan Los-Ancelesdə yerləşən Gavin de Becker and Associates təhlükəsizlik firmasından istifadə etdikləri güman edilir.

Şəxsi silahlı mühafizəçilərin qadağan olunduğu Böyük Britaniyadan fərqli olaraq, ABŞ-da mühafizəçilər açıq şəkildə odlu silah gəzdirirlər.

pia.az