Şamanın kəhanəti – Gələn il Alyaska və Kaliforniya Rusiyaya birləşəcək…

Artur Tsıbikovun sözlərinə görə, bu il Alyaska və Kaliforniya Rusiyanın tərkibinə daxil olacaq. Eyni zamanda, şaman hesab edir ki, hazırda ölkəsində “iqtisadi artım” və “rifah” var.

PİA.az xəbər verir ki, bu barədə “Mash” Telegram kanalı məlumat yayıb.

Rusiya Baş Şamanının müavini Artur Tsıbikov onu da deyib ki, yaxın gələcəkdə ABŞ bir neçə hissəyə bölünəcək, bəzi ştatlar müstəqillik elan edəcəklər. Alyaska və Kaliforniya kimi ştatlar isə “Rusiyaya qayıdacaq”.

Rusiya Baş şamanın müavini Ukraynadakı müharibədən də danışıb.

“Kasıb, çoxsaylı əzablara düçar olan qonşumuz Ukrayna” rus dünyasına “ağır nəticələrlə” daxil olur”, deyə şaman bildirib.

“Bizim Rusiyada iqtisadi böyümə və tərəqqi var. Bütün dünya bu tərəqqiyə baxıb görəcək ki, bizim Rusiya sivilizasiyasının yüksəlişinin, inkişafının və bütün dünyanın xilasının lokomotividir", deyə şaman əlavə edib.

Onun sözlərinə görə, Rusiyada “böyük təlatümlər” gözlənilmir, çünki ölkə “bifurkasiya nöqtəsini keçib və sürət qazanır”.

Artur Tsıbikov Anqarsk şəhərinin dini təşkilatının sədridir. O, özünü "zaarin, ən yüksək şaman" və eyni zamanda "professor" adlandırır. Ona 2018-ci ildən ona Rusiyanın Baş Şamanının müavini statusu verilib. Tsıbikov hərbi xidməti xüsusi təyinatlı hissədə keçib.

Xatırladaq ki, bu yaxınlarda “Putini qovmaq” niyyətində olan yakut şamanı dəli elan edilmişdi. Hazırda şaman Aleksandr Qabışev psixiatriya dispanserində saxlanılır.

Perudan olan şamanların proqnozlarına görə isə “sülh uzaqda deyil”. Perunun paytaxtı Limadan olan bir qrup şaman bir sıra ayinlər keçirib, nəticədə, onlar Rusiyanın Ukraynada başlatdığı müharibənin 2023-cü ilin avqustundan əvvəl bitəcəyini proqnozlaşdırıblar.

pia.az