İsveçrə İrana pilotsuz təyyarələr üçün hissələri tədarük etmədiyini deyir…
PİA.az xəbər verir ki, bu barədə “RİA Novosti” Agentliyi İsveçrənin İqtisadi Məsələlər üzrə Dövlət Katibliyinin (SECO) sözçüsü Fabian Mayenfişə istinadən xəbər verir. Onun sözlərinə görə, Tehran bu detalalrı dünya bazarından ala bilərdi.
“İsveçrədən bu texnologiyaların ixracı sanksiyalarla qadağandır. Bir qayda olaraq, bu məhsullar üçüncü ölkələrdə istehsal olunur və bütün dünyaya yayılır. Ona görə də bu texnologiyaların müxtəlif bazarlardan İran tərəfindən alınmasından danışmaq doğru olaradı”, deyə Mayenfiş bildirib.
Qyd edək ki, dünən yayılan məlumatda bildirilirdi ki, İranın Şahed-136 pilotsuz uçan aparatında ABŞ və İsveçrə də daxil olmaqla, Qərb ölkələrinin istehsalı olan 52 hissə aşkar edilib.
Bundan əvvəl Ukrayna prezidentinin Ofisinin rəhbərinin müşaviri Mixail Podolyak belə bir fikir bildirib ki, İran Rusiyaya pilotsuz təyyarələrin tədarükünü artırmağı planlaşdırır, ona görə də yerli dron zavodları məhv edilməli, İrana PUA istehsalı üçün texnologiya satanlar həbs edilməlidir.
pia.az