Şahzadə Harri nə istəyir: Hakimiyyət yoxsa ailə?

PİA.az xarici mətbuata əsasən xəbər verir ki, şahzadə Harri, “Ehtiyatda olan” adlı memuar kitabının tanıtım turu çərçivəsində Anderson Kuperin “60 Dəqiqə” verilişində verdiyi müsahibədə bildirib ki, o, kral ailəsi üzvü olaraq hansısa vəzifələri yerinə yetirmək üçün geri qayıtmağı düüşünmür.

Bu müsahibə Sasseks hersoqu tərəfindən yazılan və yanvarın 9-da Uels şahzadəsi Ketrinin doğum günündə işıq üzü görəcək olan kitabının ABŞ-da ilk müzakirəsi olub. Kral ailəsinin üsyankar üzvünün memuarı yanvarın 10-da kitab mağazalarının rəflərində yer alacaq.

ABŞ-da kitabın daha geniş tanıtılması üçün şahzadə və xanımı Meqanın ITV və CBS kanallarında da müsahibələri yayımlanacaq. Artıq bu müsahibələrin fraqmentləri sosial şəbəkələrdə paylaşılıb. Fraqmentlərdə Harri və Meqanın nədən kral ailəsindən niyə uzaqlaşdıqlarından və “susmağın niyə cinayət olduğundan” bəhs edilir.

Qeyd edək ki, bir müddət əvvəl şahzadə Harri kral ailəsinin onunla barışmaq istəmədiyini bildirmişdi. Lakin Bukingem Sarayından olan insayderlər bu sözləri təkzib edərək, kral və kraliçanın Harri və Meqanı Milad bayramında onunla birlikdə görüşməyə dəvət etdiyini, lakin Sasseks hersoqunun bu dəvətə məhəl qoymadığını bildiriblər.

Xatırladaq ki, daha əvvəl Meqan Markl və şahzadə Harri daha əvvəl kral ailəsinin onlardan üzr istəmələrini tələb etmişdi.

pia.az