Rəsmi məlumatlara görə, ötən ilin 11 ayında Azərbaycana 1 milyon 458 min 786 turist gəlib.
Ölkəmizə gələn turistlər arasında say baxımından son illərə qədər ilk yeri Türkiyə tutsa da, ötən il ən çox xarici turist Rusiyadan gəlib. Keçən ilin müvafiq dövründə Rusiyadan Azərbaycana 404095 turist gəlib.
Bizim.Media-ya açıqlamasında Azərbaycan Turizm Assosiasiyasının əməkdaşı Müzəffər Ağakərimov bildirir ki, Ukrayna müharibəsi və Avropa bazarının Rusiyanın üzünə bağlı olması həmin ölkə turistlərinin xarici səyahətlər zamanı digər başqa ölkələr kimi Azərbaycana da üz tutmalarına səbəb olub:
“Rusiyalı turistlər hər zaman Azərbaycana maraq göstəriblər. İndiki halda məlum vəziyyətlə əlaqədar olaraq Rusiya Qərbin sanksiyaları altındadır. Bu səbəbdən də qonşu ölkə turistləri Avropa və Amerikaya səyahət edə bilmirlər.
Həmin səbəbdən də rusiyalı turistlər digər marşrutları seçməyə üstünlük verirlər ki, bu zaman da onların seçdiyi ölkələr arasında Azərbaycan da ön yerlərdən birini tutur. Azərbaycan xalqının qonaqpərvərliyi, turizm üçün burada yaradılan infrastruktur onları gəzinti və istirahət üçün məkan seçərkən Azərbaycana üstünlük verməyə həvəsləndirir.
Proses belə düşünməyə əsas verir ki, Rusiyadan gələn turistlərin sayında bu il də artım olacaq və qonşu ölkə Azərbaycana istirahətə gələnlər arasında yenə də öz birinciliyini qoruyub saxlayacaq”.
pia.az
Digərxəbərlər
Populyar xəbərlər
