İsrail Ukrayna ilə bağlı mövqeyini dəyişib

PİA.az xəbər verir ki, İsrailin “Haaretz” qəzetində Rusiyanın Ukraynaya hücumundan sonra Kiyevlə gərginlik yaşayanTəl-Əvivin “Ukraynaya dolayı yardım etdiyi” bildirilib.

Qəzetin məlumatına görə, “yardım” kəşfiyyat məlumatlarının ötürülməsndən ibarətdir. Xəbərdə Rusiya-Ukrayna savaşında bitərəf qalmağa çalışan İsrailin siyasi mövqeyində “İranın Moskvaya hərbi yardımı” ilə bağlı ciddi dəyişiklik olduğu vurğulanıb. İsrailin təhlükəsizlik rəsmisi “Haaretz”-ə deyib ki, İranın Rusiyaya pilotsuz təyyarələr tədarükü və hərbi əməkdaşlığı artırması Tehran üçün strateji səhvdir və İsrail-NATO münasibətlərində baş verəcək ən yaxşı şeydir.

Qeyd edək ki, təxminən ay yarım əvvəl İsrailin müdafiə naziri Benni Qantz və Baş Qərargah rəisi Aviv Koçavi Ukrayna rəsmilərinin İran pilotsuz təyyarələri ilə bağlı kəşfiyyat sorğularını rədd etmişdilər.

İranla hərbi əməkdaşlığını artıran Rusiyanın Təl-Əvivlə münasibətləri və Ukraynanın silah yardımı çağırışları İsrail qarşısında ən çətin xarici siyasət sınağı hesab olunur.

Qeyd edək ki, Təl-Əviv administrasiyası “Rusiya və Ukraynada sayı yüz minlərlə olan yəhudi icması” və “Suriyada Moskva ilə hərbi koordinasiya və təhlükəsizlik” səbəbindən Rusiyanı özünə qarşı çəkməkdən çəkinirdi.

pia.az