Almaniya məhkəməsi dövlət çevrilişində ittiham olunan 23 nəfəri həbs edib

PİA.az xarici mətbuata əsasən xəbər verir ki, Almaniya Baş Prokurorluğunun daha əvvəl dövlət çevrilişi hazırlamaqda şübhəli bilinərək saxlanıladığı 22 Almaniya vətəndaşını və bir Rusiya vətəndaşı məhkəmə tərəfindən həbs ediliblər. Daha iki şübhəli İtaliya və Avstriyadan Almaniyaya ekstradisiya üçün hazırlanır.

Xatırladaq ki, dekabrın 7-də Almaniya Baş Prokurorluğu dövlət çevrilişinə cəhdin qarşısının alındığını elan edib. Polis müasir Almaniyanın varlığını tanımayan və Almaniya Reyxinin bərpasının mümkünlüyünə inanan ultrasağ “Reyxsburqer” hərəkatının 25 üzvünü (ikisi İtaliya və Avstriyada saxlanılıb) saxlayıb. Alman hakimiyyət orqanlarına görə, onlar Bundestaqı ələ keçirməyi və sonradan Almaniyada monarxiya elan etməyi planlaşdırırıblar.

Tutulanlar arasında ailəsi 1918-ci ilə qədər Türingiyada hökmranlıq edən şahzadə XIII Henrix, habelə Rusiya vətəndaşı Vitali B. Var. İstintaqın məlumatına görə, şahzadə rus qadınının vasitəçiliyi ilə Rusiya kşfiyatının nümayəndələri ilə əlaqə saxlamağa çalışıb. Qeyd edilir ki, şahzadənin cəhdlərinə baxmayaraq, o, Rusiyadan dəstək ala bilməyib.

Məsələ ilə bağlı Kremldə isə vurğulayıblar ki, hətta Almaniyanın özü də Rusiyanın çevriliş cəhdində iştirakına inanmır və Moskvaya qarşı belə ittihamlar səsləndirmir.

pia.az