Google şirkəti 10.000 işçisini işdən çıxarmağa hazırlaşır – İntellektual texnologiya tənəzzül edir?..

Şirkət The İndependent-in ixtisarla bağlı sorğusunu isə saya salmır...

Menecerlərdən Google-un əsas şirkəti olan “Alphabet” işçilərinin 6 faizini aşağı nəticə göstərdiyi üçün işdən azad edəcək.

PİA.az xəbər verir ki, ABŞ-ın The Information saytının verdiyi məlumata görə, şirkətin yeni kefyiyyətli idarəetmə sistemi üzərində çalışan rəhbərliyi gələn ilin əvvəlinə qədər aşağı nəticə göstərən minlərlə işçini işdən çıxarmağa qərar verib. Bildirilir ki, yeni tətbiq olunan sistem “Alphabet” işçilərinin 6 faizi, yəni təxminən 10 000 nəfər çalışanı aşağı nəticə göstərənlər kimi təsnif edilib. Bu sistem həm də işçilərə verilən həvəsləndirici və fond mükafatlara da təsir edəcək.

Qeyd edək ki, Google şirkəti son illər pandemiyadan tutmuş hiperinflyasiyaya qədər bir çox problemlərlin təsirləri ilə üzləşib. Bu ilin üçüncü rübündə keçən illə müqayisədə “Alphabet”in mənfəətində 27 faiz azalma baş verib, qazanc və gəlir gisə özləniləndən aşağı olub.

İyul ayında “Google”un prezidenti Sundar Pichai belə bir açıqlama ilə çıxış edib: “Aydındır ki, qarşıda daha çox qeyri-müəyyənlik olan mürəkkəb bir makromühitlə qarşılaşırıq”.

Pichai aylardır işçilərini məhsuldarlığı artırmağa çağırır. “Google”un prezidenti işçilər ilə görüşdə belə deyib: "Ümid edirəm hamınız bütün xəbərləri oxuyursunuz. Bilirsiniz ki, ən çətin makroiqtisadi şərtlərin mövcud olduğu son 10 ildə daha məsuliyyətli davranmaq məcburiyyətindəyik. Bu çətinlikləri keçməyimiz üçün şirkət olaraq birlikdə çalışamamız vacibdir”.

Pichai iş keyfiyyətinin və məhsuldarlığın işçilərinin sayı ilə mütənasiblik təşkil etmədiyi barədə narahatlıqlara cavab olaraq, son aylarda “Sadəlik Sprinti” təşəbbüsünə start verib.

Şirkətin baş direktoru iyul ayında işçilərinə göndərdiyi daxili e-mail-də “daha təşəbbüskar” və “daha çevik, daha diqqətli, işə daha çox həris” olmağa çağırıb.

The Independent nəşri bu xəbərə şərh almaq üçün “Google”la əlaqə saxlasa da, uzun müddət keçməsinə baxmayaraq, hələ də cavab ala bilməyib.

Xatırladaq ki, bu il ABŞ-da fəaliyyət göstərən bir çox texnologiya şirkətləri xərclərə qənaət etmək üçün işçilərini ixtisar edir.