Türkiyəyə miqrant axını davam edir - Statistika

PİA.az xəbər verir ki, Türkiyə Daxili İşlər Nazirliyinin Miqrasiya Baş İdarəsinin sosial media hesabında edilən video paylaşımda sərhəddə görülən yüksək səviyyəli təhlükəsizlik tədbirləri sayəsində son bir həftədə 3 min 645, ilin əvvəlindən isə 246 min 170 immiqrantın ölkəyə girişinin qarşısı alındığı bildirilib.

Eyni tarixlər arasında təhlükəsizlik qüvvələrinin yoxlama və əməliyyatları nəticəsində ölkəyə qeyri-qanuni yollarla daxil olan 1982-si Əfqanıstan, 141-i Pakistan və 3194-ü digər millətlərdən olmaqla 5317 immiqrantın həbs olunduğu bildirilib.

Son bir həftədə 979-u Əfqanıstan, 116-sı Pakistan və 1011-i digər millətlərdən olmaqla ümumilikdə 2106 immiqrantın deportasiya edildiyi açıqlanıb.

İlin əvvəlindən bu yana deportasiya edilən immiqrantların sayının 98 min 932, geri qaytarma mərkəzlərində qalan immiqrantların sayının isə 18 min 832 olduğu qeyd edildi.

pia.az