Təxribat hadisəsi MDB ölkələrindən birinin 2 vətəndaşı tərəfindən həyata keçirilib. Təxribatçılar gözlənilmədən könüllülərə atəş açıblar...
Rusiya Müdafiə Nazirliyi ölkənin Belqorod vilayətindəki hərbi hissədə baş verən insidenti terror aktı adlandıraraq hadisədə 11 nəfərin öldüyünü, 15 nəfərin isə yaralandığını açıqlayıb.
PİA.az xəbər verir ki, bu barədə Rusiya Müdafiə Nazirliyinin açıqlamasında bildirilib.
Təxribat hadisəsi MDB ölkələrindən birinin 2 vətəndaşı tərəfindən həyata keçirilib. Təxribatçılar gözlənilmədən könüllülərə atəş açıblar. Daha sonra onlar cavab atəşi ilə zərərsizləşdirilib. Təxribatçıların hansı dövlətə mənsub olduqları barədə heç bir məlumat verilmir.
Rusiya Müdafiə Nazirliyinin məlumatına görə, terrorçular xüsusi əməliyyatda iştirak etmək arzusunda olan şəxslərlə atışma məşqi zamanı bölmənin şəxsi heyətinə silahlardan atəş açıblar:
“Atışma nəticəsində 11 nəfər ölüb. Daha 15 nəfər müxtəlif dərəcəli bədən xəsarətləri ilə tibb müəssisəsinə aparılıb və onlara bütün lazımi yardımlar göstərilib”.
Nazirlik hər iki terrorçunun cavab atəşi nəticəsində öldürüldüyünü bildirib.
Hadisə dünən, 15 oktyabrda baş verib.
pia.az
Digərxəbərlər
Populyar xəbərlər
