Türkiyənin vitse-prezidenti Fuat Oktay ailə həyatı qurub. APA TV “Hürriyet”ə istinadən xəbər verir ki, O, ölkə Prezidenti Rəcəb Tayyib Ərdoğanın müşaviri Hümeyra Şahinlə evlənib. İstanbulda baş tutan mərasimdə Prezident Rəcəb Tayyib Ərdoğan və xanımı Əminə Ərdoğan cütlüyün nikah şahidi olaraq çıxış ediblər. Mərasimdə Fuat Oktay və Hümeyra Şahinin ailəsi və yaxınları da iştirak edib. Xatırladaq ki, 58 yaşlı Fuat Oktayın 46 yaşlı Hümeyra Şahinlə ötən günlərdə nişanlandığı məlum olmuşdu. Qeyd edək ki, Fuat Oktay ilk həyat yoldaşından 2011-ci ildə boşanıb. Onun bu evlilikdən 3 övladı var.
pia.az