Yeni “Media haqqında” qanun layihəsi söz azadlığı prinsiplərinə nə qədər uyğundur və çatışmazlıqlar nədir?..

Media üzrə ekspert: “Media haqqında” Qanun layihəsi fraqment şəklində ictimaiyyətə təqdim edilməməlidir. Çünki bu qanun cəmiyyətin mediası üçün nəzərdə tutulub”.

“Mən bu gün layihəni əldə etdim və tanış oldum. Layihədə çox problemlər var. Layihədə jurnalistlərin faktiki olaraq bir fermaya yığırmış kimi registrasiyasını aparmağa düşünürlər. Bu da yolverilməzdir”.

Bu sözləri media üzrə ekspert Ələsgər Məmmədli Milli Məclisdə müzakirəyə çıxarılan “Media haqqında” Qanun layihəsini PİA.az-a şərh edərkən qeyd edib.

Bu gün Milli Məclisdə “Media haqqında” Qanun layihəsi müzakirəyə çıxarılıb. Qanun layihəsi haqqında bir gün əvvəl fraqmentlər şəklində ictimaiyyətə məlumat verilib. Həmin fraqmentlərdən çıxış edərsək, bu qanun layihəsini necə dəyərləndirmək olar? Ümumiyyətlə qanun layihəsini konstitutsiyaya və söz azadlığı prinsiplərinə nə qədər uyğun hesab etmək olar?

Mövzunu PİA.az-ın əməkdaşı media üzrə ekspert, hüquqşunas Ələsgər Məmmədli ilə müzakirə edib.

Ələsgər Məmmədli: “Qanun layihəsində çox çatışmamazlıqlar bunu. Bu problemləri bir müsahibə ilə demək mümkün deyil”.

Dövlətin yalnız teleradio sahəsində lisenziyalaşdırma və tənzimlənmə funksiyasının olduğunu xatırladan ekspert PİA.az-a bildirib ki, bunun xaricində medianın kimi işlədəcək, kimi baş redaktor edəcək kimi məsələlərinə dövlət qarışmamalıdır:

“Media haqqında” Qanun layihəsi fraqment şəklində ictimaiyyətə təqdim edilməməlidir. Çünki bu qanun cəmiyyətin mediası üçün nəzərdə tutulub. Buna görə də qanun layihəsinə görə cəmiyyətə müraciət olunmalı idi.

Ayrıca Azərbaycan Avropa Şurasına üzv ölkədir. Avropa standartları baxımından bu qanun Venetsiya Komissiyasından keçməlidir. Bundan sonra layihə parlamentə təqdim olunmalıdır. İndiki halda da isə layihə sadəcə hazırlanıb. Layihə Milli Məclisə təqdim olunandan sonra da ictimai əhəmiyyət daşımayan hissələri hazır formada mediaya sızdırılıb.

Mən bu gün layihəni əldə etdim və tanış oldum. Layihədə çox problemlər var. Layihədə jurnalistlərin faktiki olaraq bir fermaya yığırmış kimi registrasiyasını aparmağa düşünürlər. Bu da yolverilməzdir. Dövlətin yalnız teleradio sahəsində lisenziyalaşdırma və tənzimlənmə funksiyası var. Bunun xaricində medianın kimi işlədəcək, kimi baş redaktor edəcək kimi məsələlərinə dövlət qarışmamalıdır.

Qanun layihəsində çox çatışmamazlıqlar bu problemləri bir müsahibə ilə demək mümkün deyil. Biz birinci gün geniş ictimai müzakirə aparacağıq. Bütün problemləri də orada qeyd edəcəyik”.

Nərminə UMUDLU
pia.az