Avropa İttifaqı (Aİ) Rusiya ilə dialoqu güc mövqeyindən aparacaq.
Bu barədə iyunun 25-də Avropa Komissiyasının başçısı Ursula fon Der Lyayen Aİ-nın Brüsseldəki sammitinin yekunlarına həsr olunmuş mətbuat konfransında bəyan edib.
«Aİ və Rusiya arasında münasibətlər mənfi «yay» üzrə yerləşir. Bizə lazımdır ki, gələcək enmələrə hazırlaşaq - xanım deyib - Bizim mövqeyimiz güc mövqeyidir, çünki əgər iqtisadi münasibətlərə baxsaq, biz görərik ki, Aİ-a Rusiya idxalı 5 faizdən aşağıdır, ancaq Aİ-nın Rusiyaya ixracı 37 faizdən artıqdır».
Xəbər verildiyi kimi, Avropa İttifaqı dövləti və hökumət başçıları Brüssel sammitində Aİ-nın xarici siyasi xidmətinə tapşırıblar ki, Jozep Borrelin rəhbərliyi altında Rusiyaya qarşı yeni sanksiyaların tətbiqi imkanlarını öyrənsin. Buna qədər onlar AFR kansleri Angela Merkelin və Fransa prezidenti Emmanuel Makronun Aİ ölkələri liderlərinin Rusiya prezidenti Vladimir Putinlə görüşmək təşəbbüsünü rədd edirdilər.
Aİ-nın Rusiya ilə sammit keçirməkdən imtina etməsini Moskvada təəssüf hissi ilə qarşılayıblar.
pia.az
Digərxəbərlər
Populyar xəbərlər
