Ermənistanın siyasi, hərbi rəhbərliyinin Qarabağa gəlməsinin qarşısı niyə alınmır?

Politoloq: “Bundan əvvəl bir neçə Ermənistan nümayəndəsi Qarabağa getmişdi. İndi isə Ermənistanın hərbi prokuroru Qarabağa gedib. Qarabağ Azərbaycanın ərazisidirsə, bu gediş-gəlişlər necə olur?”.

“Bu açıq-aydın provokasiyadır. Onlar bizi gözümüzü öyrəşdirirlər. Həmçinin də onlar bizi fakt qarşısında qoyurlar ki, artıq istədikləri vaxt Qarabağa gedə bilirlər”.

Bu sözləri politoloq Əhəd Məmmədli Ermənistanın hərbi prokuroru Vahe Arutyunyanın Qarabağa etdiyi səfərini PİA.az-a şərh edərkən qeyd edib.

Ermənistanın hərbi prokuroru, Ermənistan Respublikası baş prokurorunun müavini Vahe Arutyunyan Qarabağa gəlib. Vahe Arutyunyan Rusiya Silahlı Qüvvələrinin Qarabağdakı sülhməramlılarının tərkibində xidmət edən Rusiya Federasiyası Prokurorluğunun əməkdaşları ilə görüşüb.

Vahe Harutyunyan Qarabağdakı ermənilərin təhlükəsizliyini təmin etdiyinə görə Rusiya sülhməramlılarına təşəkkür edib. O, Ermənistan Baş Prokurorunun əmri ilə gətirdiyi mükafatları da onlara təqdim edib.

Bəs Ermənistanın siyasi, hərbi rəhbərliyinin Qarabağa gəlməsinin qarşısı niyə alınmır və bu kimi təxribat xarakterli görüşlərləistər Rusiya, istərsə də Ermənistan mətbuatı işıqlandırmaqla nəyə nail olmaq istəyirlər?

Mövzu ilə bağlı “Sivilizasiyalar və konfliktlər” Analitik Mərkəzinin rəhbəri, politoloq Əhəd Məmmədli öz fikirlərini PİA.az-ın əməkdaşı ilə bölüşüb.

Əhəd Məmmədli: “Prezident son çıxışında demişdi ki, bir də başqa dövlətin nümayəndəsi Qarabağa gəlsə, biz onlara dəmir yumruğumuzu göstərəcəyik. Artıq həmin “dəmir yumruq” göstərilməlidir”.

Azərbaycan artıq bu məsələdə heç bir səbr göstərməli olmadığını düşünən politoloq PİA.az-a bildirib ki, həmçinin də Azərbaycan gözləmə mövqeyində olmamalıdırlar:

“Bu açıq-aydın provokasiyadır. Onlar bizi gözümüzü öyrəşdirirlər. Həmçinin də onlar bizi fakt qarşısında qoyurlar ki, artıq istədikləri vaxt Qarabağa gedə bilirlər. Bundan əvvəl bir neçə Ermənistan nümayəndəsi Qarabağa getmişdi. İndi isə Ermənistanın hərbi prokuroru Qarabağa gedib. Qarabağ Azərbaycanın ərazisidirsə, bu gediş-gəlişlər necə olur?

Prezident son çıxışında demişdi ki, bir də başqa dövlətin nümayəndəsi Qarabağa gəlsə, biz onlara dəmir yumruğumuzu göstərəcəyik. Artıq həmin “dəmir yumruq” göstərilməlidir. Yoxsa onlar bizim gözümüzü öyrəşdirəcəklər və ermənilər Qarabağda özlərini çox rahat hiss edəcəklər.

Biz gücümüzü həm Ermənistana, həm də Rusiyaya bir daha göstərməliyik. Bir-iki Bayraktar onların başının üstündə uçsa, onlar bir də elə səhvlər etməzlər. Bunun başqa yolu yoxdur. Artıq Azərbaycan bu məsələdə heç bir səbr göstərməməlidir. Həmçinin də Azərbaycan gözləmə mövqeyində olmamalıdırlar”.

Nərminə UMUDLU
pia.az