"Azərbaycan ordusu strategiya ilə hərəkət edir ki, torpaqlar minimum itki ilə azad olunsun"
Bu sözləri Azərbaycan Demokratiya və Rifah Hərəkatının sədri Qubad İbadoğlu bildirib.
"Qarabağda şiddətli döyüşlər, əsasən, iki istiqamətdə gedir. Şimal-Qərb cəbhəsində Magadiz yüksəkliyi və Talış kəndinin azad edilməsi o deməkdir ki, Azərbaycan ordusunun Ağdərəyə girmək və rayon mərkəzini nəzarətdə saxlamaq asanlaşır. Tezliklə Ağdərəni azad edilməsi rəsmi elan oluna bilər.
Cənub cəbhəsində Məngələnata və Məlikcan, Ərgünəş yüksəkliklərinin azad edilməsi çox vacibdir. Məngələnata və Ərgünəş Füzuli və Məlikcan Hadrut rayon mərkəzlərinin nəzarətdə saxlamaq üçün çox mühüm yükəskliklərdir. Ermənilər Füzuli şəhərini elə ilk gündən tərk etsələr də, Azərbaycan şəhəri nəzarətə götürsə də, məhz Məngələnata yüksəkliyinə görə Füzuli şəhərində mövqelərini möhkəmlətmək istəmir.
Bu müharibədə sürətli irəliləmək çox itkiyə gətirə bilər. Odur ki, Azərbaycan ordusu yüksəklikləri azad etmək, düşmənin infrastrukturunu və texnikasını sıradan çıxarmaq, canlı qüvvəsini məhv etmək strategiyası ilə hərəkət edir ki, torpaqlar minimum itki ilə azad olunsun.
Yeri gəlmişlən, şimal-qərbdə general Hikmət Həsənov, cənubda general Mais Bərxudarov rəhbərlik edir. Hər iki cəsur və peşəkar generalımıza, tarix yazan sərkərdələrimizə eşq olsun, allahın mərhəməti onların və rəhbərlik etdikləri korpusun əsgər və zabitləri üzərində olsun".
pia.az
Digərxəbərlər
Populyar xəbərlər
