Tovuz istiqamətində gedən döyüşlərdə şəhid olan gizirimiz Zeynallı İlqar Ayaz oğlu dəfn edildiyi doğma kəndinə yeni yol çəkilib...
Azərbaycan Avtomobil Yolları Dövlət Agentliyi (AAYDA) tərəfindən Tovuzun Cəlilli kəndinin yolları asfaltlanıb.
Əvvəllər yararsız, bərbad vəziyyətdə olan kənd yollarına bir gün ərzində yeni asfalt örtüyü vurulub, hamarlaşdırılıb.
Bu da kənd camaatının, Cəlillidə avtomobili olanların, o cümlədən şəhid gizirin ailəsini ziyarət edənlərin gediş-gəlişini rahatlaşdırıb.
Kənd sakinləri yollarının abadlaşdırılmasına görə AAYDA rəhbərliyinə minnətdarlıq ediblər.
pia.az