"Göstəricisi 51 baldan yuxarı olan tələbələr yekun dövlət imtahanından azaddırlar"...
"Yeni qərara görə ali təhsil məssisələrinin IV kursunda və kolleclərin son kursunda oxuyan və Ümumi Orta Müvəffəqiyyət Göstəricisi 51 baldan yuxarı olan tələbələr yekun dövlət imtahanından azaddırlar".
PİA.az xəbər verir ki, təhsil eksperti Kamran Əsədov Nazirlər Kabinetinin koronavirus (COVID-19) pandemiyasının ölkənin təhsil müəssisələrində tədris prosesinə mənfi təsirinin aradan qaldırılması ilə bağlı bəzi tədbirlər barədə qərarını şərh edərkən bunları bildirib.
"Bundan başqa yenilik buraxılış imtahanları ilə bağlıdır. Belə ki, 11-ci sinif şagirdləri üçün təqdim edilən buraxılış imtahanlarında test tapşırılqlarının sayı 85-dən 90-a qaldırıldı. Buna qədər Azərbaycan dili 30, xarici dil 30 riyaziyyat 25 test tapşırığı idi. İndi riyaziyyatdan da test tapşırıqlarının sayı 30 oldu. Hər fənn üzrə 100 bal ümumi isə 300 bal toplamaq imkanı verirlir.
Təqaüdlər ilə bağlı dəyişiklik edilib. Belə ki, buna qədər tələbə əgər semestrdə kəsri olurdusa, o təqaüd almaq imkanını itirirdi. İndi isə növbəti semestr başlayana qədər əgər kəsri bağlayarsa, o təqaüd almaqda davam edəcək.
Ən ciddi yenilik isə semestr imtahanları ilə bağlı universitetlərin elmi şuralarına təhsil nazirliyi ilə razılaşdırmaqla qərar qəbul etmək səlahiyyətinin verilməsidir. Artıq yay semestr imtahanlarını keçirmək qaydasını müəyyənlədirməyi universitetlərin elmi şuraları müəyyən edəcəklər.
Qəbul imtahanını rus dilində verən abituriyentlər Azərbaycan dili (dövlət dili kimi) fənnindən ayrıca test imtahanı verirdilər. İmtahanda abituriyentlərə Azərbaycan dili (dövlət dili kimi) fənnindən sualları cavablamağa 1 saat 30 dəqiqə vaxt verilirdi, indi 45 dəqiqə veriləcək". (Yenisabah.az)
pia.az