Bir çox işsizlər VÖEN-i aktiv olduğuna görə 190 manat birdəfəlik ödəməni ala bilmirlər...
Son günlər ən çox qarşılaşdığım sual VÖEN-i onlayn qaydada necə bağlamaq barədədir. Çünki, bir çox işsizlərə VÖEN-i aktiv olduğuna görə izsizliyə görə birdəfəlik yardım verilməkdən imtina edilib. Odur ki, bu yazıda VÖEN-i internet üzərindən bağlamağı izah edirəm.
İzahata keçməmişdən əvvəl qeyd edim ki, bir çoxlarınız uzun müddətdir ki, VÖEN-nin bağlandığını zənn etsəniz də sonradan məlum olub ki, siz aktiv vergi ödəyicisi kimi məşğulsunuz. Bu öna görə baş verir ki, rəsmi hesabatlarda sizlər məşğul əhalinin siyahısında sayılasınız. Odur ki, bundan əvvəl VÖEN-i bağlamaq üçün vergi xidməti orqanlarına müraciət edəndə, onların tövsiyyəsi ilə sizin VÖEN bağlanmayıb, müvəqqəti dayandırılıb. Sizlər də bununla razılaşmasınız. Nəticədə də bu səbəbdən sizlər birdəfəlik yardımdan kənarlaşdırılırsınz.
Hazırkı karantin rejimində VÖEN-i bağlamaq üçün vergi orqanına getməyə ehtiyac yoxdur. Bunun üçün birinci atacağınız addım VÖEN-i aldıqda vergi orqanı tərəfindən sizə verilən istifadəçi adı, şifrə və parolu tapmaq və şəxsi vərəqəyə girməkdir.
İkinci addım orda onlayın kargüzarlıq bölümündə ərizəni seçmək lazımdır.
Ücüncü addım, açılan siyahıdə yuxarıdan 8-cı fiziki şəxsin vergi uçotundan çıxarılması sətrini seçmək lazımdır. Əgər aktiv VÖEN-lə bağlı adınızda aktiv bank hesabı, post terminal və ya qeydiyyatda kassa varsa əvvəl onların bağlanması və qeydiyyatdan çıxarılması tələb olunacaq. Amma böyük ehtimallar sizlərin çoxunda bu yoxdur. Odur ki, sadəcə vergi uçotundan çıxarılması sətrini seçməklə müraciət qəbul olunacaq. Dördüncü addım, əgər siz sadələşmiş vergi ödəyicisinizsə şəxsi vərəqədə e-bəyənnamə bölümünə girib, on-line sadələşmiş bəyannaməni seçmək lazımdır. Daha sonra, cari deyil, dəqiqləşmiş deyil, ləğv olma seçiminə baş vurun.
Bundan sonra vergi orqanı sizin VÖEN ləğv edəcək.
Beşinci addımınız VÖEN ləğv edildikdən sonra təkrar birdəfəlik yardım üçün ƏƏSMN-ə müraciət etmək olacaq.
İlk növbədə bu linkə girin və şəkil bölməsində ardıcıllıq üzrə hərəkət edin.
Fotolar
pia.az