“2013-cü ildə İmişlidə inşaat işləri aparmış Omis şirkətinin sahibi Osman İsayev mənə İmişlinin icra başçısı Vilyam Hacıyevin əməlləri ilə bağlı şikayət etmişdi. Kiçik araşdırma aparıb müəyyən etdim ki, dahi Şekspirin İmişlidəki adaşı sahibkarlara 700 min manata yaxın vəsait atıb. Devalvasiyadan öncəki hadisələrdən nəql edirəm - 1 milyon dollardan artıq vəsaitdən söhbət gedirdi!”
PİA.az-ın xəbərinə görə, bunu jurnalist Eynulla Fətullayev deyib.
Jurnalist qeyd edib ki, sahibkarlar öz şəxsi vəsaitləri hesabına rayonda abadlıq işlərini aparıblar: “Vilyam müəllim də bu işlərə ayrılmış büdcə vəsaitlərini yumşaq desək çırpışdırmışdı. Sonradan Vilyamın oğlunun “Bentley”sini də tapdıq... İndi deyir ki, yataqxanada kirayədə qalır. Rusların gözəl sözü var: “Həyasızlıq - ikinci xəşbəxtlikdir”.
Qeyd: Xaricdə yaşayan bloqer Həbib Müntəzir İmişli Rayon İcra Hakimiyyətinin başçısı Vilyam Hacıyevin sərvətinin siyahısını yayıb. İmişli Rayon İcra Hakimiyyətindən isə Vilyam Hacıyev barəsində yayılan məlumatın həqiqətə uyğun olmadığı bildirilib: "Vilyam Hacıyevin mülk və digər adları çəkilən ölkələrdə heç bir biznesi və əmlakı yoxdur. Hətta o, İmişlidə şəkər zavodunda ailələr üçün tikilmiş yataqxanada, ailəsi ilə birlikdə aylıq 124 manat kirayə haqqı ödəməklə yaşayır. Həbib Müntəzirdən bu sadaladıqlarını faktlarla göstərməsini tələb edirik, əks halda onun haqqında hüquq-mühafizə orqanlarına və məhkəməyə kəskin şikayətimizi bildirəcəyik".
Sonra onun qiyməti 4 min manat olan kəmər taxdığı məlum olub. (pravda.az)
pia.az
Digərxəbərlər
Populyar xəbərlər
