Cənazə boyuk izdihamın müşaiyəti ilə son mənzilə yola salınıb
Ötən gün Türkiyədəki Gülhanə xəstəxanasında ağır xəstəlikdən dünyasını dəyişmiş APU-nin 1-ci kurs tələbəsi Məhəmməd Qurbanovun cənazəsi bu gün Salyan rayonunda torpağa tapşırılıb.
Virtualaz.org-un Şirvan bürosunun məlumatına görə, izdihamlı dəfn mərasimində rayon ictimaiyyəti ilə yanaşı mərhumun Dövlət Sərhəd Xidmətində qulluq edən atasının zabit yoldaşları da iştirak ediblər.
Xatırladaq ki, 18 yaşlı Məhəmməd Qurbanov qəfil ağırlaşmış leykoz xəstəliyindən əziyyət çəkdiyi üçün ötən ilin noyabr ayında Gülhanə Hərbi Tibb Akademiyasının hospitalına yerləşdirilmişdi.
Virtualaz.org
***
16:47 (27.04.2019)
Bu gün səhər saatlarında Azərbaycan Pedaqoji Universitetinin tarix fakültəsinin tələbəsi, 18 yaşlı Məhəmməd Zahid oğlu Qurbanov bir müddət əvvəl ağır vəziyyətdə yerləşdirildiyi Türkiyədəki Gülhanə Hərbi Tibb Akademiyasının hospitalında dünyasını dəyişib.
Virtualaz.org-un Şirvan bürosunun məlumatına görə, ötən ilin sentyabr ayında Məhəmməd Qurbanovda qəfil ağırlaşmış leykoz xəstəliyi aşkar olumuşdu. Həkim konsilumunun gəldiyi nəticəyə görə, Məhəmmədin müalicəsinin yalnız Türkiyədə mümkün olduğu bildirilmişdi. Azərbaycan Respublikasının Birinci vitse-prezidenti xanım Mehriban Əliyevanın köməkliyi ilə ağır xəstəliyə düçar olmuş tələbə ötən ilin noyabr ayında Gülhanə Hərbi Tibb Akademiyasının hospitalına yerləşdirilmişdi.
Məhəmmədin atası Zahid Məmmədov polkovnik-leytenant rütbəsində hərbçidir. Məhəmməd hazırda Salyan rayonunda yaşayan 73 yaşlı babasının adını daşıyırdı. Mərhumun cənazəsinin valideynlərinin müşayəti ilə yaxın saatlarda Bakıya gətiriləcəyi deyilir.
pia.az