Prezdentin son bir ildəki fəaliyyəti birbaşa əhalinin rifah halının yaxşılaşmasına yönəlib
PİA.az xəbər verir ki, bu sözləri Axar.az-a bu sözləri İlham Əliyevin yenidən Azərbaycan Prezidenti seçilməsinin ildönümü ilə bağlı danışan millət vəkili Azər Badamov deyib. Deputat bildirib ki, inkişafının yeni mərhələsini yaşayan Azərbaycanın son bir il ərzindəki həyatı böyük hadisələrlə əlamətdar olub:
“Ümumiyyətlə, 2018-ci il cari ilin üç ayı çox uğurlu olub. 2019-cu ilin yola saldığımız üç ayında ötən ilin müvafiq dövrü ilə müqayisədə ümumi daxili məhsulun 3 faiz artması Prezidentin düşünülmüş iqtisadi-sosial siyasətinin nəticəsidir. Bu il 3 milyondan çox insanın sosial rifahının yaxşılaşmasına töhfə verən sosial paket icra olunub. Bu mənada Azərbaycanın ərazi bütövlüyü uğrunda şəhid olmuş şəxslərin varislərinə 11 000 manat vəsaitin ödənilməsi, minimum əmək pensiyaları və əməkhaqlarının, təqaüd və sosial müavinətlərin məbləğlərinin artırılması və s. onu deməyə imkan verir ki, ötən bir ildə ölkədə aparılan sosial siyasət öz faydasını verir”.
Millət vəkili Azərbaycanda sosial proqramlarının icrasının ardıcıl xarakter alacağını deyib:
“Bildiyiniz kimi, hazırda regionların sənayeləşməsi prosesi gedir, kənd təsərrüfatının inkişafı istiqamətində iri layihələr icra olunur. Regionlarda yeni emal sənayesi müəssisələri, anbar, logistik mərkəz, aqropark və yeni fermer təsərrüfatlarının yaradılması bunun bariz nümunəsidir. Regionların sosial-iqtisadi inkişafı ilə bağlı IV Dövlət Proqramında qarşıya yeni hədəflər qoyulub. Bu proqramın icrası üçün 17 milyard manat nəzərdə tutulub”.
pia.az