Səhiyyə Nazirliyində tender “oyunları” - Zahid Qəribovla Rafət Orucov dövləti soğan kimi necə soyurlar?

Zahid Qəribovla Rafət Orucov Səhiyyə Nazirliyində tender “oyunları ilə dövləti soğan kimi necə soyurlar?

Səhiyyə Nazirliyinin tender əməliyyatlarında əsas iştiakçılardan biri kimi tanınan müəmmalı “Turqay” MMC şirkəti ilə bağlı ölkə mətbuatında illərdi məlumatlar dərc edilir. Milyonlarla manatlıq tenderlərin qalibi olan bu şirkətin rəhbərliyi haqqında isə hər hansı bir məlumatın ortaya çıxmaması maraq doğururdu.

AzFakt.com-a Səhiyyə Nazirliyinin tender “kral"ı kimi tanınan “Turqay” MMC - nin rəhbərliyi ilə bağlı ilginc məlumat daxil olub. Saytımıza daxil olan məlumata görə “Turqay” MMC şirkətinin sahibi Kürdəmir rayon sakini Rafət Orucov adlı şəxsdir. Məlumatda qeyd edilir ki, “Turqay” MMC şirkətinin illərdi Səhiyyə Nazirliyinin tikinti tenderlərində əsas qaliblərdən biri olmasının araxasında Rafət Orucovun nazirlikdə yüksək vəzifə tutan məmurlarla münasibətlərindən qaynaqlanır.

AzFakt.com-un məsələ ilə bağlı apardığı araşdırmada məlum oldu ki, “Turqay” MMC şirkətinin Səhiyyə Nazirliyinin tikinti tenderlərində aktiv olmasının səbəblərindən biridə nazirliyin Əsaslı Tkinti İdarəsinin rəisi Zahid Qəribov adlı şəxsin olmasdır. Belə ki, Səhiyyə Nazirliyinin Əsaslı Tkinti İdarəsinin rəisi Zahid Qəribovda Kürdəmir rayonundandır və o, həmyerlisi Rafət Orucovla çox yaxın münasibətlərə sahibdir. Məhz Zahid Qəribovun Əsaslı Tkinti İdarəsinin rəisi olduqdan sonra “Turqay” MMC-nin Səhiyyə Nazirliyinin tikinti tenderlərində daha çox qalib şirkətlərdən birinə çevrildiyini deyə bilərik.

Digər mənbədən verilən məlumatda bildirilir ki, Səhiyyə Nazirliyində tenderlərə nəzarəti nazir müavini Elsəvər Ağayev həyata keçirir. Məhz Zahid Qəribovun nazirliyin Əsaslı Tkinti İdarəsinin rəisi təyin edilməsi Elsəvər Ağayevin “xeyir dua”sı baş verib.

Bundan başqa Səhiyyə Nazirliyində tikinti işlərinə cavbadeh qurumlardan biri Səhiyyə obyektləri şəbəkəsinin inkşafının planlaşdırma şöbəsinin müdiri Əli Abbasovun da Elsəvər Ağayevin kadrı olduğu deyilir.

Bildirək ki, "Turqay” MMC şirkəti ilə bağlı ölkə mətbuatında yayılan məlumatlarda şikətin təsisçisi Abbasov Tamerlan Yəhya oğlu kimi göstərilib. Onun bir vaxtlar külli miqdarda vergidən yayınma ittihamı ilə saxlandığı və Sumqayıt şəhər məhkəməsinin hökmü ilə CM-nin 213.4 maddəsi ilə 1 il, 6 ay müddətinə azadlıqdan məhrum edildiyi qeyd edilib.

Xatırladaq ki, ötən həftə ölkə mediasında “Turqay” MMC şirkətinin gördüyü işlərlə bağlı cinayət işinin açılması barədə məlumat yayılmışdı.

Məsələ ilə bağlı araşdırmamız davam edir.

pia.az