Seçiciləri onu "əli çıraqlı" axtarır... - Belə deyirlər...

Bölgə TV millət vəkillərinin verdiyi vədləri necə əməl etmələrini öyrənmək üçün İmişliyə ezam olunub və parlament seçkiləri ərəfəsində 79 saylı İmişli seçki dairəsindən mandat alan Əsabil Qasımovun seçicilərə verdiyi vədləri yerinə yetirib-yetirmədiyini araşdırıb. Bölgə TV –nin əməkdaşları İmişlinin adçəkilən dairəsindən olan yerli sakinlərlə görüşərkən məlum olub ki, deputat Əsabil Qasımovun verdiyi vədlər bir qırağa ,heç vətəndaşların bir çoxu İmişlidən seçilən deputat Əsabil Qasımovun kim olduğunu belə bilmirlər,tanıyanlar isə onun üzünü seçkidən sonra qətiyyən görməyiblər ki,bir dərdlərini ona bildirə bilsinlər.Gülməlidir ki,seçicilər qonşu dairədən-80 saylı İmişli - Beyləqan seçki dairəsindən deputat seçilərn Çingiz Qənizadəni daha yaxşı tanıyırlar və onun deputat kimi fəaliyyətindən trazı qaldıqlarını bildiriblər.

Xatırladaq ki,deputat Əsabil Qasımov mətbuatda ən çox tənqid olunan deputatlardandır.

Əsabil Qasımov depuatat kimi elə də aktiv deyil,seçicilərinin problemləri ilə də maraqlanmır. Deputatdan daha çox biznesmen kimi tanınan Əsabil Qasımov bir sıra qanunsuzluqlarla, vətəndaşların ondan şikayəti ilə gündəmə gəlir. Deputat Əsabil Qasımovun adı gah bu və ya digər məsələlərdə,qalmaqallı hadisələrdə hallanır.Yaxın zamanlarda Bölgə TV-nin İmişlinin Əsabil Qasımovun deputat olduğu seçki dairəsindən səs verən sakinlərdən aldığı müsahibəsini və hazırladığımız reportajı izləyə biləcəksiniz.

pia.az