“Kaşıkçının Səudiyyənin kimyəvi silahdan istifadə eləməsindən xəbərdar olduğu deyilir...”
Rusiya prezidentinin səlahiyyətli nümayəndəsi, Rusiya İctimai Palatasının üzvü, politoloq Sergey Markov öz “Feysbuk” səhifəsində Səudiyyənin İstanbul şəhərindəki konsulluğunda qətlə yetirilmiş jurnalist Camal Kaşıkçının ölüm səbəbləri barəsində fərziyyələrdən bəhs edib.
Markov yazıb:
“Kaşıkçının niyə qətlə yetirildiyi, deyəsən, aydınlaşmağa başlayır.
Dostunun dediyinə görə, Kaşıkçı Səudiyyə Ərəbistanı Krallığının kimyəvi silahdan istifadə elədiyi (Yəməndə, yoxsa Suriyada?) barəsində informasiya əldə edibmiş və bu informasiya ilə nə edəcəyini bilmirmiş.
Lakin Kaşıkçı bu informasiyanın çox təhlükəli olduğunu da bilirmiş.
Üstəlik, o da bəlli olub ki, həm ABŞ-ın, həm də Böyük Britaniyanın xüsusi xidmət orqanları Səudiyyə Ərəbistanı Krallığının Kaşıkçını oğurlamağa hazırlaşdığını bilirmişlər.
Səudiyyə Ərəbistanı Krallığını bu fikirdən daşındırmağa cəhd ediblər.
Lakin bu cəhdlərində aktiv olmayıblar”. (hurriyyet.org)
pia.az