PİA.AZ şair, publisist, AYB üzvü Cabir Alpoğlu Albantürkün şeirlərini təqdim edir
QAÇQIN OLMASAM DA
Mən şeir yazmıram, dərd darayıram,
Qəlbimin küncündə yurd arayıram...
Misrada yıxılıb qaldığım olur,
Mənada utanıb öldüyüm olur;
Torpağım həsrətdi ayağlarıma,
Vətənim qürbətdi oyağlarıma...
Ruhumu nəfsimlə çarmıxa çəkən
Qoçu günahların tövbəsi çətin:
Barışa bilmirəm basılmağımla,
Tükənir təkimdə yavan gücüm də...
Qul haqqı sırğalıq sol qulağımda,
Qaxılıb qalmışam yurdsuz gecəmdə...
XANKƏNDİNDƏN ŞUŞAYACAN
Xankəndində körüklənən
“Ocaq” közü İrəvandan,
Sumqayıtda sürüklənən
Cinayətin başı-“yan”dan.
20 yanvar yuxusu
Qəbrə əkildi millətin,
Qırıldı, amma qorxusu
Səbrə çəkildi millətin...
Vertalyotda qırılandan
Dövlətimin qanadları,
Milətimin qollarında
Məğlubiyyət qandalları...
Daşaltıda düşdüyümüz
Daş altından çıxmalıyıq,
23 il deşdiyimiz
Yaraları sıxmalıyıq...
Qart dünyanın vecinəmi
Xocalımın soyqırımı,
Bəşər, yoxsa əcinəmi
Daşnaksütun-hay qurumu...
Xocalının "qırxını" da
Şuşayla verdik o zaman,
Haçandı bu qurğunu da
“Dözümlü xalq”nan pozamam...
ŞƏHİD OĞULUN DİLİNDƏN
Şəhid Yusif Əliyevin xatirəsinə
...Könüllü getdim döyüşə,
Şəhid oldum Güllücədə.
Vətən,qeyrət,din döyüşü,
Sinəm sipər,güllə cida...
Qanım tökülən torpağı,
Vətənbazlar alan deyil.
Qovulmasa yurddan yağı,
Ruhum rahat olan deyil...
Türkmənçayda bölünəndən
Millətimiz yurdda xəcil,
Bilinməzlər bilinəndən
Şəhid ruhum burda xəcil...
Səbr qırx gün,qırx ay olar-
Nəyi gözləyirsiz axı?!
Partizanlar tutuldular,
Yer aldı düşmən ayağı
Barışıq təklif edənlər
Xocalını yada salsın...
Bir ömür qəhər udanlar
Qisasını kimdən alsın...
QAZİLƏRİN QƏLB ÇIRPINTILARI
Bizim qələbəmiz qisasdan keçər,
Bizim xilasımız ixlasdan keçər...
Mümkün azadlığda diridir gecə,
Ayı,ulduzuyla azaddı,tamdı
Günəşsiz açılan sabah yetimdi...
Azadlıq,köləlik döyüşür hələ,
İinsan varlığında,millət içində
Düşmənlə döyüşdə büzüşür kölə,
Düsmənə nifrəti qorxusuyla tən.
İgidlər olsa da mələk gücündə
Ordusuz,sevgisiz qorunmaz vətən;
Bağışlamaq böyüklükdü,qisas haqq!
Yetər,bağışladıq yağı düşməni,
Qisas almayınca yaşamaq haram.
Qoy ölü vicdanlar yaşasın aram...
Döyüşsüz sülh sabah uduzmaq demək
Güzəştli-güzəştsiz,fərqi yox anam.
Ordumuz gücünü göstərsin gərək,
Onda yaranacağ sabaha inam...
Yurda ağa,yurda oğul,yurda qul
İgidlər var-yad gözünə yurd oxu...
Qisasını al dünənin, bugünün
Açılmasa, kəs qartımımış düyünü
Gülyanaq İsmayılqızı
pia.az