Almaniyada dövlət çevrilişin təşkilatçıları kansleri Olaf Şoltsun öldürülməsini planlaşdırıblar…
PİA.az xəbər verir ki, bu barədə The New York Times öz mənbələrinə istinadən məlumat yayıb.
Aparılan axtarışlar zamanı polislər sui-qəsdçilərin məxfi planlarını aşkar edib. Polisin əldə etdiyi yüzdən çox sənəd var ki, sui-qəsdçilər bu planların gizli saxlanılması ilə bağlı and içiblər. Sui-qəsdçilər tərəfindən hazırlanan gizli planlarda Almaniya parlamentinə hücum edərək Budestaqı ələ keçirmək və kansleri öldürmək planları da olub.
Bundan əlavə, axtaış zamanı 40 odlu silah aşkar edilib və güman ki, gizli anbarlarda saxlanılan, hələ də tapılmayan digər silahlar üçün minlərlə patron da ələ keçirilib. İndiyədək polis Almaniyada dövlət çevrilişi planlayan dəstənin 23 üzvünü həbs edib, daha 31 nəfəri araşdırır.
Qeyd edək ki, dekabrın 7-də Almaniya polisi dövlət çevrilişi hazırlamaqda şübhəli bilinən dəstənin saxlanıldığını bildirib. Almaniya Baş Prokurorluğunun məlumatına görə, saxlanılanlar arasında Rusiya vətəndaşı olan qadın da var. Bundan başqa, İtaliya və Avstriyada dövlət çevrilişinə hazırlıq işi çərçivəsində saxlanılan daha iki alman barəsində ekstradisiya prosesi başlayıb.
Dekabrın 7-də keçirilən əməliyyat Almaniya hüquq-mühafizə orqanları tərəfindən sağçı ekstremistlərə qarşı ölkədə ən iri əməliyyatlardan birini keçirildiyi bildirilir.
pia.az