“Heç bir halda boşanmaların qarşısını almaq mümkün deyil və zorla da bunun qarşısını almağa elə hesab edirəm ki, ehtiyac yoxdur”.
APA xəbər verir ki, bunu Milli Məclisin Sosial qanunvericilik şöbəsinin müdiri Adil Vəliyev “Nikahın xitamı ilə bağlı ailə qanunvericiliyinin tətbiqi sahəsində mövcud vəziyyət” mövzusunda keçirilən konfransda deyib.
O bildirib ki, ailə institutunun möhkəmləndirilməsi üçün bir çox təşkilati hüquqi tədbirlər görülsə də, təbii ki, bu tam deyil.
“Bu davam edən və daim təkmilləşən proses olmalıdır. Hüquqi baxımdan MM bu istiqamətdə bir çox işlər görüb. Nikahqabağı tibbi müayinə, nikah yaşının qızlar üçün 18-dək yüksəldilməsi, erkən nikahlara görə cinayət məsuliyyətinin daha da sərtləşdirilməsi, ailə mübahisələrinin öncədən mediasiyada müzakirəsi və s. buna misaldır. Lakin heç bir halda boşanmalarım qarşısını almaq mümkün deyil və zorla da bunun qarşısını almağa elə hesab edirəm ki, ehtiyac yoxdur”.
Şöbə müdiri qeyd edib ki, boşanma situativ olaraq həyatın öz məhsulu olan təbii və sosial bir hadisədir.
“Bəs necə etmək olar ki, boşanmadan sonra insanlar çox ciddi problemlər yaşamasın, postevlilik dövrünün mənfi təsirləri maksimum ağrısız və az fəsadlarla müşayiət olunsun. Bax bu haqda düşünməyə dəyər. Bunun üçün öncə dediyim kimi maarifli, savadlı insanlar, cütlüklər olsa və onlar boşansalar belə uşaqla bağlı problemləri birgə həll edə bilərlər, nəinki yersiz nifrət və intriqa səbəbindən daha da vəziyyəti ağırlaşdırmaqla. Bunun həlli yolu əhalinin maariflənməsindən keçir”.
Poliqon.info
Digərxəbərlər
Populyar xəbərlər
