Makronun növbədənkənar seçki qərarı partiyasında etirazla qarşılanıb

Fransa prezidenti Emmanuel Makronun “İntibah” partiyasındakı silahdaşları onun növbədənkənar seçkilər elan etmək qərarından narazıdırlar.

Poliqon xəbər verir ki, bu barədə Bloomberg Agentliyi məlumat yayıb. Xəbərdəb bir çox partiya üzvlərinin prezidentin qərarının məntiqini hələ də anlamadığı vurğulanır.

“Makron qərarını açıqlayanda sıralarımızda şok və qəzəb var idi. Hiss olunurdu ki, o, bizi uduzaca\ımız döyüşə göndərib”, “deyə Makronun partiyasından parlamentinin deputatı olan Kristof Marion bildirib.

Eyni zamanda Bloomberg yazır ki, Makronun qərarı baş nazir Qabriel Attal və Milli Assambleyanın sədri Yael Braun-Pive tərəfindən də etirazla qarşılanıb və onılar Fransa liderini belə bir addımdan çəkindirməyə çalışıblar.

Xatırladaq ki, iyunun 10-da Makron Fransa parlamentinin aşağı palatası olan Milli Assambleyanın buraxıldığını elan edib və partiyasının Avropa Parlamentinə seçkilərdə məğlub olması səbəbindən növbədənkənar parlament seçkiləri təyin edib. Lakin Makron özü istefa verməkdən imtina edib.

Poliqon.info