Makeyin ölümü ilə Lukaşenko Qərblə olan kanalını itirdi – Sergey Markov

PİA.az xəbər verir ki, Belarusun xarici işlər naziri Vladimir Makeyin qəfil ölümü ətrafında müxtəlif şərhlər Rusiya mətbuatının əsas mövzularından biri olaraq qalır. Makeyin ölümü ilə bağlı sosial şəbəkədə maraqlı şərh yazanlardan biri də Kremlə yaxınlığı ilə bilinən polotoloq Sergey Markov olub.

Markov bildirib ki, Vladimir Makey Qərbin Ukraynada hakimiyyətə gətirmək istədiyi əsas fiqur olub:

“Belarusun mərhum xarici işlər naziri Makey Lukaşenkodan sonra Qərbin Belarusda hakimiyyətə gətirmək istədiyi qərbyönlü hökümətin əsas fiquru idi. Onun ölümü Belarusun Rusiyadan uzaqlaşmasının imkansızlığının simvoluna çevrildi. Makey də məhz bunu edirdi, Belarusu Rusiyadan uzaqlaşdırırdı. Belarusda hakimiyyət dəyişikliyi baş verdiyi halda məhz Makey prezident kürsüsünə sahiblənəcəkdi”, deyə politoloq bildirib.

Markov Belarus prezidentliyinə əsas namizəd olan Makeyin Lukaşenkonun komandasında əsas fiqurlardan birinin olmasına da aydınlıq gətirib:

“Lukaşenko niyə onu uzun müddət XİN rəhbərliyində saxlayırdı? Çünki hesab edirdi, Makey ona Qərblə əlaqə saxlamaq üçün lazımdır. O, Makeyi Qərblə özünün arasında əsas kanal olaraq görürdü. İndi isə bu kanal yoxa çıxdı, deyə rusiyalı politoloq vurğulayıb.

Qeyd edək ki, Vladimir Makeyin oğlu Vitali Makey 2020-ci ildə Minskdə xalq etirazları zamanı tutduğu vəzifədən istefa verərək Avropaya qaçmışdı. O, Xarici İşlər Nazirliyində Belarus diplomatiyasının çoxşaxəli inkişafı ilə məşğul olurdu.

pia.az