Kişinyov meri İon Çeban Moldovanın paytaxtında LGBT icmasının yürüşünə icazə verməyəcəyini və bunun üçün ictimai nəqliyyat marşrutlarını dəyişmək fikrində olmadığını bildirib.
Poliqon xəbər verir ki, mer bu parad üçün “ən yaxşı yerin parlament və hökümət binası” olduğunu deyib.
Keçən ildən Moldova Metropoliyası hakimiyyətdən LGBT icmasının ölkədə adətən iyun ayında keçirilən festival və yürüşlərini qadağan etməyi xahiş edib. Kilsə diqqət çəkir ki, hər dəfə yürüşlər və festivallar zamanı bu aksiyaların tərəfdarları ilə əleyhdarları arasında toqquşmalar olur və bu toqquşmalar yalnız polisin müdaxiləsindən sonra başa çatır.
“Mən heç kəsi qınamaq fikrində deyiləm, lakin iyunun 18-də LGBT yürüşünə icazə verməyəcəyəm. İctimai nəqliyyat həmişəki kimi işləyəcək”, deyə Çeban şəhər xidmətlərinin iclasında bildirib.
Genderdoc-M LGBT icmasının hüquqlarının müdafiəsi mərkəzi bu həftə Kişinyovda festival keçirmək və onu iyunun 18-də paytaxt küçələri ilə yürüşlə başa çatdırmaq niyyətindədir.
Poliqon.info
Digərxəbərlər
Populyar xəbərlər
