Moskvada Rusiya xarici işlər naziri Sergey Lavrov Fars Körfəzi Ərəb Dövlətləri Əməkdaşlıq Şurasının xarici işlər nazirləri arasında danışıqlar keçirilir...
APA-nın Moskva müxbiri xəbər verir ki, Rusiya Xarici İşlər Nazirliyinin Qəbullar Evində keçirilən danışıqlarda Bəhreyn, Qətər, Küveyt, BƏƏ, Oman və Səudiyyə Ərəbistanın xarici işlər nazirləri iştirak edir.
Görüşdə çıxış edən Sergey Lavrov Rusiya ilə Körfəz Ərəb Dövlətlərinin Əməkdaşlıq Şurası arasında strateji dialoqun iştirakçılarının Moskva görüşündən sonra birgə bəyanat qəbul edəcəklərini söyləyib: "Müzakirəmizin nəticələri bu gün qəbul etməyi planlaşdırdığımız birgə bəyanatda qeyd olunacaq. Mən ekspertlərimizə bunun razılaşdırılması istiqamətində gördükləri işlərə görə, həmçinin birgə fəaliyyət planı layihəsinin razılaşdırılması ilə bağlı təşəkkür etmək istərdim".
Lavrov qeyd edib ki, Rusiya və Körfəz Əməkdaşlıq Şurası ölkələrinin qarşılıqlı fəaliyyətini sistemli və strateji əsasda inkişaf etdirmək üçün hər cür imkanları var: "Rusiya və Fars körfəzi ərəb ölkələri qarşısında duran vəzifələri uğurla həll etmək, qarşılıqlı faydalı tərəfdaşlığı inkişaf etdirmək və onu sistemli strateji əsasa köçürmək üçün bütün lazımi mexanizmlərə malikdir", deyə Rusiya XİN başçısı vurğulayıb.
Poliqon.info
Digərxəbərlər
Populyar xəbərlər
