Kürdəmirdə zəncirvari yol qəzası olub, 3 nəfər xəsarət alıb

Kürdəmir rayonunda üç nəfərin xəsarət alması ilə nəticələnən zəncirvari yol-nəqliyyat hadisəsi baş verib.

"Report"un Yuxarı Şirvan bürosu xəbər verir ki, hadisə Ağsu-Kürdəmir-İmişli yolunun rayonun Köhnə bazar adlanan ərazisindən keçən hissəsində qeydə alınıb.

Belə ki, hadisə zamanı "Mercedes", "QAZ 3110" və "VAZ 2106" markalı avtomobillər toqquşub.

Nəticədə Abdullayev Ülvi Ələsgər oğlu, Səlimov Taleh Telman oğlu və Osmanov Elşad müxtəlif dərəcəli bədən xəsarətləri alıblar.

Hər üç yaralı Kürdəmir Rayon Mərkəzi Xəstəxanasına aparılıb.

Faktla bağlı araşdırma aparılır.

Poliqon.info