Koronavirus təhlükəsinə görə şadlıq sarayları nəzarətə götürüldü...
Koronavirus təhlükəsinə görə Bakıda fəaliyyət göstərən bəzi şadlıq sarayları qabaqlayıcı tədbirlər həyata keçirəcəklər.
PİA.az-ın xəbərinə görə, insanların kütləvi şəkildə bir araya gəldikləri yerlərdən biri olan şadlıq evlərində qabaqlayıcı tədbirlərin görülməsində məqsəd bu virusun yayılmasının qarşısını almaqdır. Belə şadlıq saraylarından birinin inzibatçısı Asif Cəfərovun sözlərinə görə, sabahdan etibarən restoranın giriş-çıxışları, eləcə də zal dezinfeksiya olunacaq.
Digər bir şadlıq evinin inzibatçısı Ramin Bağırov da bildirib ki, sabahdan etibarən restoranın giriş qapılarında xüsusi kimyəvi maddələrlə dolu olan avadanlıqlar quraşdırılacaq.
Bununla yanaşı, şadlıq evləri tərəfindən toy sahiblərinə bu qaydalara əməl etmələri ilə bağlı məlumat veriləcək. Restoranın divar hissələrinə spirtdən istifadə ilə bağlı məlumatverici lövhələr də yapışdırılacaq. (Pravda.az)
pia.az
Digərxəbərlər
Populyar xəbərlər
