Ermənistanın hüquq-mühafizə orqanları ölkənin keçmiş prezidenti Robert Köçəryana qarşı yeni cinayət işinə başlayıblar
Bu barədə Ermənistan Milli Təhlükəsizlik Xidmətinin (MTX) direktoru Artur Vanetsyan bildirib.
Bu dəfə Köçəryan maliyyə maxinasiyalarında və pulların yuyulmasında ittiham edilir. “Söhbət yüzlərlə milyon dollardan gedir. Biz kimin nə qədər varidatının olması barədə faktları dərc edəcəyik. Yerevandakı “Konqress” mehmanxanasının 6 milyon dollar rüşvətlə necə alındığını dərc edəcəyik. Köçəryanın ailıəsinin bu mehmanxanaya yiyələnmıəsinin sxemi mövcuddur”, - Vanetsyan vəd verib.
Bundan əlavə, MTX direktoru bildirib ki, tezliklə Köçəryanın prezident postundakı xələfi Serj Sarkisyanın qardaşı Aleksandrın maliyyə maxinasiyaları haqqında məlumat dərc olunacaq.
İyul ayının sonlarında Köçəryan 1-2 mart 2008-ci il tarixlərində konstitusiya quruluşunun devrilməsinə cəhddə ittiham edilmişdi.(Virtualaz.org)
pia.az