ISW: Rusiya Müdafiə Nazirliyi Baxmutu ələ keçirmək üçün “Vaqner”i gücləndirir...

Rusiya Müdafiə Nazirliyi “Vaqner qrupu”nun lideri Yevgeni Priqojinlə Müdafiə Nazirliyinin rəhbərliyi arasında görünən gərginliyə baxmayaraq, Baxmutun ələ keçirilməsini başa çatdırmaq üçün “Vaqner” muzdluları ilə daha sıx əməkdaşlıq etməyə çalışır.

Poliqon xəbər verir kİ, bu barədə Amerika Müharibə Araşdırmaları İnstitutunun son hesabatında bildirilir.

Analitiklər qeyd edirlər ki, bunu Rusiya Hava-Desant Qoşunlarının komandanı Mixail Teplinskinin yenidən təyin olunması sübut edir. Qeyd edilir ki, bu ilin əvvəlində Teplinski Rusiyanın Baş Qərargah rəisi Valeri Gerasimov tərəfindən bu vəzifədən azad edilmişdi.

Hesabatda qeyd edilir ki, son günlər Priqojin Rusiya Müdafiə Nazirliyinə açıq-aşkar hücumlarını azaldıb. Rusiyalı hərbi bloqerlər bildirirlər ki, hazırda “Vaqner qrupu” Baxmutda müasir T-90 tanklarından istifadə edir və bu da Rusiya rəhbərliyinin “Vaqner”i Baxmutu ələ keçirmək üçün daha təkmil vasitələrlə təmin etdiyini göstərir.

Analitiklərin fikrincə, Rusiya hərbi komandanlığı Ukraynada hücum əməliyyatları üçün ağırlığı getdikcə daha çox hava-desant qoşunlarının üzərinə keçirir. Bununla belə, hesabatda qeyd edilir ki, Teplinski Ukraynadakı əhəmiyyətli itkilərə görə, Hava Desant Qüvvələrinin elit birlik kimi əvvəlki statusunu bərpa etməyə çətin ki, nail ola biilsin.

Poliqon.info