İsveçrə sülh konfransında iştiraka edəcək ölkələrin sayı 78-ə düşüb

Poliqon xəbər verir ki, bu barədə Aİ ölkələrinin adları açıqlanmayan diplomatları “Azadlıq” radiosunun Ukrayna bölməsinə bildiriblər. Buna baxmayaarq Radiostansiyanın mənbələri dəyişikliyin davam edəcəyini istisna etməyiblər.

Radiostansiyanın həmsöhbətləri hansı ölkələrin sammitdə iştirakdan imtina etdiyini dəqiqləşdirməyiblər. Diplomatlardan biri də hər şeyin yaxşılığa doğru dəyişə biləcəyini də deyib.

Qeyd edək ki, Ukrayna sammiti iyunun 15-16-da İsveçrənin Bürgenstok kurort qəsəbəsində keçiriləcək. Tədbirdə Ukrayna prezidenti Vladimir Zelenskinin sülh düsturunun müzakirəsi planlaşdırılır.

Ümumilikdə Avropa İttifaqı, BRİKS və G20 ölkələrindən 160-dan çox nümayəndə heyəti sülh konfransında iştirak etmək üçün dəvət olunub. KİV-in məlumatına görə, Cənubi Afrika, Braziliya və Səudiyyə Ərəbistanı sammitdə iştirakdan imtina edib. Rusiya sammitə dəvət edilməyib.

Poliqon.info