İsraildə nazir bölgüsü ilə bağlı xaos: Netanyahu hökuməti formalaşdıra bilmir

PİA.az xəbər verir ki, İsrail mediyasına görə, İsraildə yeni hökumətin qurulması prosesində hələlik razılıq əldə olunmayıb.

Netanyahu ilə müdafiə naziri postuna keçmək istəyən Sionistlər partiyasının lideri Bezalel Smotriç arasında fikir ayrılığının olduğu diqqətə çatdırılıb.

İki lider arasında dünənki görüşün gərgin atmosferdə keçdiyi bildirilən xəbərdə Netanyahunun Müdafiə Nazirliyinin Smotriçə təhvil verilməsinin ABŞ rəhbərliyi ilə qarşıdurmaya səbəb olacağından narahat olduğu bildirilib.

Sionist lider Smotriçin görüş zamanı "Amerikalılar kimin nazir təyin ediləcəyini müəyyən edirmi?" - sualı vəziyyəti daha da gərginləşdirib.

"Jerusalem Post" qəzetinin bu gün dərc etdiyi xəbərində Netanyahunun etimadı doğrultması üçün hökumətin çərşənbə günü İsrail parlamentinə təqdim etməyi planlaşdırdığı bildirilib.

Qəzetin xəbərində bildirilirdi ki, Netanyahunun tarixi təyin etməklə Smotriçə danışıqlarda əməkdaşlıq etməsi və tələblərini yüngülləşdirməsi üçün təzyiq etmək məqsədi güdür.

Qeyd edək ki, son illərdə erkən seçki və koalisiya böhranında olan İsraildə noyabrın 1-də keçirilən növbədənkənar ümumi seçkilərdə keçmiş baş nazir və müxalifət lideri Benyamin Netanyahunun rəhbərlik etdiyi sağ blok 64 deputat əldə edərək qələbə qazanmışdı.

Qeyd edək ki, Netanyahu hökumətinin etimad səsi ala bilməsi üçün 120 deputatı olan İsrail parlamentində 61 deputatın dəstəyi yetərlidir.

pia.az