İsrailin hərbi-siyasi kabinetinə Qəzza zolağının cənubundakı Rəfah şəhərindən fələstinlilərin təxliyəsi planı təqdim edilib...
Poliqon xəbər verir ki, bu barədə Baş nazirliyin ofisindən məlumat verilib. Məlumatda qeyd olunur ki, İsrailin Müdafiə Ordusu “qarşıdan gələn əməliyyat planını” höküçətə təqdim edib.
“The Times of Israel” nəşri yazır ki, hökumət Qəzza zolağının cənubuna humanitar yardımın göstərilməsini də təsdiqləyib. Bu humanitar yardım “Qəzza zolağının şimalında və digər ərazilərdə baş vermiş qarətlərin qarşısını alacaq” şəkildə çatdırılacaq.
Qeyd edək ki, fevralın əvvəlində Benyamin Netanyahu Misirlə sərhəddə yerləşən Rəfah şəhərində genişmiqyaslı əməliyyat keçirmək niyyətində olduğunu bəyan edib. Netanyahu orduya əhalinin təxliyəsi və Fələstinin HƏMAS hərəkatının batalyonlarının məhv edilməsi planını təmin etməyi tapşırıb. ABŞ Dövlət Departamenti əməliyyatın indi həyata keçiriləcəyi təqdirdə fəlakət olacağını bildirib. BMT-nin məlumatına görə, müharibə səbəbindən 1,4 milyon insan Rəfaha sığınır.
Bir gün əvvəl, fevralın 25-də Netanyahu etiraf etmişdi ki, tərəflər girovlarla bağlı razılığa gələrsə, Rəfahdakı əməliyyatı təxirə salacaq. Bununla belə, o, əməliyyatın qaçılmaz olduğuna işarə edib.
Poliqon.info