İsrail həmçinin Vaşinqtondan digər silahlar üçün sursat istəyib...
İsrail hökuməti “Dəmir Günbəz” havadan müdafiə sistemi üçün raketlərin ehtiyatını artırmaq məqsədi ilə ABŞ-a sorğu göndərib. Ölkə rəsmiləri ABŞ-dan başqa sursatların tədarükü ilə də maraqlanır.
Poliqon xəbər verir ki, bu barədə The Washington Post qəzetinin məlumatında bildirilir. Qəet yazır ki, İsrail hakimiyyəti Ağ Evdən kəşfiyyat məlumatlarının toplanması, həmçinin kiçik diametrli bombalar və pulemyotlar üçün sursatların tədarükü sahəsində əməkdaşlıq gözləyir.
Bundan əvvəl ABŞ Dövlət Katibi bildirib ki, Vaşinqton Qəzza zolağında əməliyyatların aparılması üçün İsrailin əlavə hərbi yardımla bağlı müraciətlərini nəzərdən keçirir. Blinken xatırladıb ki, Amerika hakimiyyəti imzalanmış memoranduma əsasən, müttəfiqə 3,8 milyard dollarlıq hərbi yardım göstərir.
Poliqon.info