İsrail Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) əməkdaşlarını HƏMAS-la əməkdaşlıqda ittiham edən dosyeni ABŞ-a təqdim edib...
Poliqon xəbər verir ki, bu barədə Amerikanın "New York Times" qəzeti yazıb.
"İttihamlar Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinin 7 oktyabr HƏMAS hücumlarında rol oynadığı deyilən onlarla əməkdaşına qarşı İsrailin iddialarını təfərrüatlandıran ABŞ hökumətinə təqdim edilən dosyedə yer alır", deyə nəşr yazıb.
Qəzet qeyd edir ki, Amerika rəsmiləri iddiaları UNRWA-ya yardımın dayandırılmasını əsaslandırmaq üçün kifayət qədər etibarlı hesab etdiklərini deyirlər.
Qeyd edək ki, UNRWA əməkdaşlarlının HƏMAS-la əməkdaşlığı səbəbindən Avstraliya, ABŞ, Kanada, Niderland, Böyük Britaniya, Finlandiya, İtaliya və Fransa təşkilata yardım etməyi dayandırıb.
UNRWA regionda, o cümlədən Qəzza zolağında humanitar yardımın dayandırılması riskinin olduğunu bildirib. Agentlik sanksiyalardan şoka düşüb: ittihamlar yalnız müstəqil araşdırma aparmaq üçün artıq işdən çıxarılan kiçik bir qrup işçiyə qarşı irəli sürülüb.
Birləşmiş Millətlər Təşkilatının (BMT) baş katibi Antonio Quterreş BMT-nin UNRWA-nın bəzi əməkdaşlarına qarşı iddialardan sonra təşkilatın hərəkətə keçdiyini bildirib.
Poliqon.info
Digərxəbərlər
Populyar xəbərlər
