İrəvanda mer seçkisində səsvermə başa çatıb, seçici aktivliyi cəmi 21% olub

APA xəbər verir ki, seçki məntəqələri bağlanıb və səslərin hesablanması başlayır. Bir saatdan sonra Mərkəzi Seçki Komissiyası gün ərzində ən aşağı səviyyədə olan seçici fəallığı ilə bağlı yekun məlumatları açıqlayacaq.

Saat 17.00-a olan məlumata görə, paytaxtda seçicilərin cəmi 21,36%-i səs verib. Seçici fəallığının aşağı olması səslərin hesablanması prosesini sürətləndirəcək. Ehtimal ki, ilkin nəticələr saat 23:00 radələrində açıqlanacaq.

Xatırladaq ki, seçkidə 65 yer uğrunda 13 siyasi partiya və 1 blok mübarizə aparıb.

Poliqon.info