“Twitter”in yeni rəhbəri İlon Maskla məşhur yazıçı Stiven Kinq arasında gərginlik yaşanıb...
PİA.az xəbər verir ki, “Twitter”in yeni rəhbəri İlon Maskla məşhur yazıçı Stiven Kinq arasında sözügedən platformadakı tətbiq edilən mavi işarəyə görə “dava” düşüb.
Qeyd edək ki, “The Verge” texnologiya saytı Maskın "mavi işarə" üçün ödəniş almağı planlaşdırdığını yazmışdı. Xəbərdə hazırda 4,99 dollar olan “Twitter Blue” adlı tətbiqin ödənişinin 19,99 dollara qaldırılacağı, mavi işarə əldə etmək üçün abunə olmaq lazım olduğu bildirilmişdi.
Bu xəbərdən sonra qorxu janrının əfsanə isimlərindən olan, dünyaca ünlü yazıçı Stiven King bu tvitini paylaşıb:
“Mavi işarəmi saxlamaq üçün ayda 20 dollar? Onlar mənə pul verməlidirlər. Bu reallaşsa, gedəcəm”.
Texnologiya milyarderi isə “Biz hesabları bir təhər ödəməliyik. Twitter sadəcə reklamlara arxalana bilməz. Bəs 8 dollar necədir?”, deyə cavab verib.
Mask daha sonra başqa bir cavab yazıb: “Tətbiq işə düşməzdən əvvəl məntiqi izah edəcəyəm. Bu, botları və trolları məğlub etməyin yeganə yoludur”, deyə məşhur milyarder vurğulayıb.
Xatırladaq ki, King 2021-ci ilin dekabrında verdiyi açıqlamada Maska heyran olduğunu söyləmişdidi.
pia.az
Digərxəbərlər
Populyar xəbərlər
