Fələstinin HƏMAS hərəkatı 2022-ci ildə İsrailə qarşı hücum hazırlamağa başlayıb...
Poliqon xəbər verir ki, bunu qrupun hərbi qanadının sözçüsü Əbu Obeid bildirib. Onun sözlərinə görə, HƏMAS niyyətlərini gizlədib və Fələstin fraksiyaları ilə İsrail arasında qarşıdurmadan yayınıb. Bu məlumatlar İsrailin Haaretz nəşrinin xəbərində yer alıb.
Əbu Obeid qeyd edib ki, bu, “bitərəflik illüziyasını yaratmağa” və “düşməni qarşıdan gələn əməliyyatla bağlı qaranlıqda saxlamağa” kömək edib. “Bu strategiya son dərəcə uğurlu olub və İsrail indiki hərbi kampaniyasında düzgün qiymətləndirmə aparmaq əvəzinə, öz uğursuzluqlarını ört-basdır etmək üçün qətlə və qan tökməyə əl atır”, deyə HƏMAS-ın təmsilçisi bildirib.
Əbu Obeid iddia edib ki, HƏMAS gizli şəkildə 4500 döyüşçünü öz sıralarına cəlb edə bilib. Həmçinin hərəkatın sözçüsü qeyd edib ki, HƏMAS istənilən ssenariyə, o cümlədən İsrailin quru əməliyyatına hazırdır.
“İsrail belə addımlar atsa, biz düşmən üçün əhəmiyyətli itkilərə səbəb olacaq yeni tədbirlər görəcəyik”, deyə Əbu Obeid İsraili hədələyib.
İsrail və Fələstinin Həmas hərəkatı arasında müharibə oktyabrın 7-də səhər saatlarında İsrail ərazisinə yüzlərlə raket atılması ilə başlayıb. İsrail 1,3 mindən çox, Fələstində isə 1,5 mindən çox insan həlak olub. BMT-nin məlumatına görə, Qəzza zolağının 423 mindən çox sakini evlərini tərk edib.
Poliqon.info
Digərxəbərlər
Populyar xəbərlər
