Əsas müxalifət partiyasının sədri Xabeişvili Tbilisidə mitinqdə polis tərəfindən döyülüb...
Gürcüstanın keçmiş prezidenti Mixail Saakaşvilinin müxalifət partiyası olan Vahid Milli Hərəkat Partiyasının sədri Levan Xabeişvili Tbilisidə keçirilən aksiyada həbs olunarkən polis əməkdaşları tərəfindən döyülüb.
Poliqon xəbər verir ki, bu barədə “Mtavari Arkhi” telekanalı məlumat yayıb.
Telekanal Levan Xabeişvilinin fotosunu dərc edib. Müxalifət liderinin üzündə çoxsaylı hematomlar görünür. “Mtavari Arxi” müxalifətçinin həbsi zamanı xüsusi təyinatlılar tərəfindən döyüldüyünü iddia edir. O, xəstəxanaya yerləşdirilib.
“Levan Xabeişvilinin xüsusi təyinatlılar tərəfindən yaralanan gənclərdən birinə kömək etmək istəyərkən necə oğurlanmasının şahidləri var. Bu zaman xüsusi təyinatlılar onu mühasirəyə alıb, oğurlayıb və nümunəvi şəkildə cəzalandırıblar”, deyə Xabeişvilinin partiya yoldaşı Levan Bejaşvili telekanala bildirib.
Qeyd edək ki, aprelin 30-da axşam saatlarında Tbilisidəki mitinqdə vəziyyət gərginləşib. Xüsusi təyinatlılar nümayişçilərə qarşı rezin güllələr, gözyaşardıcı qaz və su şırnaqlarından istifadə etməyə başlayıblar. Buna cavab olaraq etirazçılar təhlükəsizlik qüvvələrinə cavab verməyə çalışıblar.
Media nümayişçilər arasında itkilərin olduğunu bildirir, onların sayı məlum deyil. Gürcüstan Səhiyyə Nazirliyi üç polis əməkdaşının xəstəxanaya yerləşdirildiyini bildirib. Gürcüstan prezidenti Salome Zurabişvili polisin hərəkətlərini pisləyib və Daxili İşlər Nazirliyini etirazçılara qarşı güc tətbiqini dayandırmağa çağırıb.
Qeyd edək ki, Tbilisidə parlament binası yaxınlığında mitinqlər aprelin 15-də başlayıb. Onlar ölkədə “Xarici təsirin şəffaflığı haqqında” qanun layihəsinin qəbulu ilə bağlıdır. Layihə ikinci oxunuşda qəbul edilib. Bu gün, mayın 1-də deputatlar təşəbbüsə üçüncü oxunuşda baxacaqlar.
Poliqon.info
Digərxəbərlər
Populyar xəbərlər
