Fatih Terim Monako Knyazlığının təşkil etdiyi “Qızıl Ayaq” mükafatı mərasimində əfsanələrdən biri oldu...
PİA.az Türkiyə mətbuatına istinadən xəbər verir ki, Qalatasaray-ın və A Milli Futbol Komandasının sabiq baş məşqçisi Fatih Terim Monako Knyazlığının təşkil etdiyi “Qızıl Ayaq” mükafatlandırma mərasimində iştirak edib.
2003-cü ildən bəri aktiv futbol həyatını davam etdirən və yaşı 28-dən yuxarı futbolçulara verilən mükafat 20-ci dəfə sahiblərinə təqdim edilib. 2022 “Qızıl Ayaq” Çempionları Mükafat Mərasimi Monte Karlodakı Grimaldi Forumu tərəfindən keçirilib.
Qalatasaray-da UEFA Kuboku və 8 Super Liqa çempionluğu olan və 2008-ci ildə Milli Futbol Komandasını Avropada 3-cü yerə çatdıran Fatih Terim “Qızıl Ayaq Əfsanələri” Mükafatını alan ilk türk məşqçi oldu.
Barselona-nın polşalı hücumçusu Robert Levandovski də 2022-ci il “Qızıl Ayaq” mükafatını qazanıb.
Qeyd edək ki, “Qızıl Ayaq Əfsanələri” mükafatını alanlar arasında Pele, Dieqo Armando Maradona, Eysebio, Corc Best, Ferenc Puskas, Gerd Müller, Alfredo Di Stefano, Karl-Hainz Rummeniqqe, Franz Bekenbauer, Erik Kantona, Zinedin Zidan kimi ulduzlar da var.
pia.az